BookBites oon appi joka antaa sulle maholisuuen lukea E –kirjoja ja kuunnella äänikirjoja. Appi käy IOS:n sekä Androidin järkitelefuuneissa ja nettibreteissä.

Kunka häyvyt tehä ette saat BookBitesin?

Tehe käyttäjän omala e-postila ja omala salasanala. Valitte oman biblioteekin ja anna tievot omasta lainakortista.

Pääset sisäle paikalisela tai nasjunaalisella lainanumerolla ja pinkoodila. Olet aina loggaantunu sisäle vaikka panetkin apin kiini.

Sie saatat lainata viisi lainaa samanaikasesti ja antaa takaasin ennen viimistä lainapäivää (painamalla ruksia joka oon lainatun kirjan oikeassa nurkassa). Viimilainapäivänä katoaa kirjhaan pääsy. Laina-aika oon 28 päivvää per laina.

BookBites on lukemistyökalu jossa saatat muuttaa tekstikoon, linjavälin, kirjotustyypin ja färitaustan. Työkalu antaa kans sanameiningit ja lukkee sanoja äänheen. Sie saatat kans markeerata ja isontaa tekstiä ja kirjoittaa omia kommentaareja. E-äänikirjoissa saatat valita lukunoppeuen ja spuulata etheen- ja takaasinpäin, Sie saatat kans tällätä ajan koska sen pittää mennä kiini.

Apin löyvät täältä